话题：佛山市汽车站百多摩的司机穿上当地派出所所发统一背心，据称穿上后不用被赶，做法惹争议。警方表示此举旨在加强治安管理，背心上不仅写有摩的司机的姓名，还要求每人签署保证书不参与偷盗抢等非法行动；市、区交通部门表示，他们并不清楚汽车站摩的司机穿统一背心的事情，当地派出所也没有跟他们讨论过这事，仍将对非法运营打击，无论有无背心，见一台查一台。

主持：西风

编译：部落

聊神：逍遥生秦二少，落花人独立，秦时明月，鱼生石，影子，发型随心动，恺霆琥，骆驼大爷等

落花人独立：呢条背心几钱一件？

秦时明月：有咗马甲就正大光明啦？是否有人跟住搞盗版嘅呢？如果有人搞山寨嘅点算？点样监管？点样先可以验证呢啲马甲系出自派出所嘅原版？内因可能系收费嘅。

恺霆琥：呢个其实好好呀，以前东莞等好多城市就咁做过，呢个对治安比较好。但后尾仲系禁咗摩，交通部门最后唔理有冇背心，见一台查一台，有行业壁垒嘅嫌疑。

逍遥生秦二少：冇咩唔好嘅，就当系工作服得啦。

影子：我有啲谂唔通，派出所有冇整治非法运营嘅权力？联合执法会有权限过大、监管唔到嘅弊端；但部门之间各自为政条块分割咗，却有咗相互推诿同互设壁垒嘅感觉。咁样会唔会俾人一种错觉，凡系同非法远营沾边嘅都可以掺和，如果发件背心能加强管理嘅话，咁汽车站都有权发双鞋，行政执法系唔系嚟发个帽子,当然，如果有费用收嘅话。

恺霆琥：个人认为公安局嘅做法系疏导，交通部门则系堵，对佛山公交仲唔系好完善嘅地方，喺落班高峰，好难打车，摩的啱啱填补咗呢个空缺，亦就系话市场有呢个需要。我觉得仲系疏导嘅好，让其正规化。

发型随心动：呢个明显系公安部门同交通部门冇协商好嘅结果。

骆驼大爷：要换我我就唔买呢件马甲，我开摩的唔偷唔抢嘅，好坏都算个自由职业者，中意保持我自己嘅个性，点解要我变成千篇一律嘅“机器人”，仲把名字大大嘅写喺背上，让所有人睇到。反正到最后，仲系会有唔穿嘅摩的喺街度跑……

秦时明月：两个部门唔系利益共同体，但出来混嘅，就得着呢件背心。

鱼生石：喺佛山，摩的有冇合法嘅？如果所有摩的都系非法嘅，咁派出所发这个马甲就有啲讲唔通，佢发马甲摆明有一个前提系承认对方系合法嘅；正如前面二位所言，两个部门无非就系各自取利，边管部门之间嘅协调？

部落：我觉得先唔讨论合唔合法，我觉得呢种做法系对摩的司机的侮辱，你凭乜嘢要人哋签订所谓嘅“保证书”，仲要将人哋嘅名写喺背度……